لوده جنان اتجنن ههههههههههه ويارتني متجننت

صباح الورد عليكم يا بنانيت
امبارح خرجت انا وصاحبتى روحنا نتمشى سوا ع البحر زهقانين بقى تقولو ايه
المهم واحنا راكبين المشروع ولسة رايحين كان راكب قدامنا واحد وعمال دودو دودو دودو فى الموبايل ويضحك ويسبل للبت فى الموبايل , نسكتله ؟ لا طبعا ميصحش احنا قاعدين ورا وبنضحك عليه يلا ما علينا نزلنا م المشروع وابتدينا نتمشى ع البحر شوية ونبص نلاقيهولك قاعد ع الكورنيش مع الموزة وبرده بيسبل لها وقال ايه معاه هديه ياعينى على بختشى قولت للموكوسة صاحبتى ايه ده مش عاتقين حتى فى رمضان واحنا قاعدين كده ولا حد عبرنا بعرقسوس حتى المهم افتكرت البوستات بتاعه لو ده جنان اتجنن روحت قولت لصحبتى ع الفكرة الشريرة وعملناها بس معرفش جبت الجراة دى منين المهم قربت منهم وصاحبتى واقفه تتفرج بصتله كده من فوق لتحت وقولتله هى دى اللى مخلياك متردش عليا احسن منى فى ايه دى دى حته معصعصه جتكم نيله رجاله عايزة الحرق اشبع بيها ومشيت المهم انا رصيت له الرصه دى والواد فاتح بوقه والبت اسبهلت هههههههههههههه زمانها قامت بالواجب وزمانه بقى عامل كده بس يستاهل مش عاتق حتى فى رمضان هههههههههه شريرة انا ؟
.
.
.
.
.
.
.
سامعاكى ياللى بتقولى اه
لو عجبكم الموضوع قيموا يا بناويت وقولولى رايكم فى الهبل اللى عملته ده
فى حفظ الله